افضل 4 طرق لعمل اصلاح للفلاشة

 

افضل 4 طرق لعمل اصلاح للفلاشة

كنت نازل اشتري فلاشة جديدة عشان عايز احمل شوية حاجات تبع الشغل بس قبل ما اخرج من البيت افتكرت درج الكراكيب بتاعي اللي رامي فيه حاجات كتير من زمان وكان فيه فلاشات كتير بايظة من ايام ما كنت شغال في مركز الصيانة المهم روحت مطلع كل الفلاشات دي وقفلت على نفسي المكتب وقلت مش طالع غير لما اصلح فلاشة منهم على الاقل 

وقعت اجرب طرق كتير مره عن طريق CMD ومره من إعدادات الويندوز ومره تانية باستخدام بعض البرامج وتقريبا فضل اكتر من 4 ساعت كاملة وانا بحاول بكل الطرق والمفاجأة بدل ما كنت رايح اشتري فلاشة جديدة بفلوس قد كده بقي معي 4 فلاشات مره وحده من غير ما ادفع ولا مليم وده بعد ما عملت اصلاح ليهم بطرق مختلفة عشان كده انا جبت ليك كل الطرق دي في مكان واحد عشان تصلح الفلاشة بتاعتك 

اول حاجة عن طريق موجه الاوامر CMD

الطريقة دي بتنفع بنسبة كبيرة لو الفلاشة مش راضية تتفرمت أو بتديك مساحة وهمية وصفر جيجا بتوصل الفلاشة وتفتح قائمة Start وتكتب CMD وتفتحه كمسؤول Run as administrator بعد كده بتكتب أمر diskpart وتدوس Enter وبعده تكتب list disk وتدوس Enter هتظهر لك قائمة بجميع الهاردات والفلاشات هنا ركز كويس جدا واعرف رقم الفلاشة من مساحتها عشان ما تفرمتش هارد جهازك بالخطأ اكتب select disk X مع تغيير X لرقم الفلاشة مثلا select disk 1 ودوس Enter اكتب بعد كده أمر clean وفركش أي أخطاء وبعدين اكتب create partition primary عشان يعيد بناء البارتيشن وأخيراً اكتب format fs=fat32 quick واضغط Enter واكتب أمر assign عشان يظهر لها حرف وتفتح معاك فورا ان شاء الله وعلى فكرة انا عامل فيديو كامل لطريقة دي موجود على الصفحة 

تاني حاجة عن طريق Disk Management

أحيانا تحط الفلاشة تسمع صوت التوصيل في الويندوز بس تدخل على This PC ما تلاقيهاش أصلا هنا بتضغط كليك يمين على زرار Start وتختار Disk Management إدارة الأقراص انزل تحت هتلاقي الفلاشة ظاهرة بشريط أسود ومكتوب جنبها Unallocated أو من غير حرف كل اللي هتعمله إنك تضغط عليها كليك يمين وتختار New Simple Volume وافضل دوس Next للآخر وافق على الفورمات هتلاقي الفلاشة نورت وظهرت جوه الجهاز من جديد 

تالت حاجة عن طريق استخدام البرامج

لو الويندوز طلع لك رسالة إنه غير قادر على إكمال الفورمات أو الفلاشة محمية ضد الكتابة Write Protected هنا الويندوز بيكون جاب أخيره ومحتاج أداة متخصصة تتخطى قيوده بنلجأ لبرامج مجانية خفيفة زي SD Card Formatter أو برنامج HDD Low Level Format Tool البرامج دي بتعمل مسح منخفض المستوى Zero-Fill يعني بتعيد كتابة أصفار على الذاكرة بالكامل من الصفر وبتشيل أعتى أنواع التلف المنطقي وحماية الكتابة المزعجة وتفرمت الفلاشة بسلام 

رابع حاجة عمل سوفت وير Flashing Firmware

لو كل الطرق اللي فوق فشلت فده معناه إن شريحة التحكم Controller بتاعت الفلاشة فقدت التوجيه ومحتاجة سوفت وير مصنع جديد بتنزل برنامج صغير اسمه ChipGenius وافتحه وانت موصل الفلاشة البرنامج هيديك كودين مهمين جداً اسمهم VID و PID خد الرقمين دول وادخل بيهم على موقع Flashboot أو iFlash وحطهم في البحث الموقع هيديك اسم أداة السوفت وير الخاصة بشريحة الفلاشة دي بالظبط غالبا بتسمى Mass Production Tool نزل الأداة الخاصة بفلاشتك واضغط Start وفي أقل من دقيقتين هتكون الشريحة اتعاد برمجة السوفت بتاعها وكأنها لسه طالعة من المصنع دلوقتي 

بس للأمانه الطرق دي مش بتنفع مع جميع انواع الفلاشات خصوصا الفلاشات اللي بتكون مش اصلية وكمان طريقة السوفت مش بتكون مضمون بنسبة كبيرة لان ممكن الشركة المصنعة للفلاشة تكون مش منزلة سوفت للموديل ده